Städtlemer Fasnetslied

Mir singad Schrei Au, Schrei Au, Schrei Au,
des isch unser Narrenruf.
Mir singad Schrei Au, Schrei Au, Schrei Au,
der duad saumäßig guad.
Mir singad Schrei Au, Schrei Au, Schrei Au,
Unser Herz schlägt nur für ihn,
||: denn als Städtlemer isch klar,
an d´r Fasnet da bin I Narr :||

Allgemeine Strophen

Oimol im Johr do gibt´s für uns nur eins,
ned nur im Norden dort entlang des Rheins.
Im Schwobaland, des isch doch wirklich klar,
die beschde Fasnet scho immer bei uns war.

Vom Doschdig an sind mir mit Herz dabei,
bis Zeischdig lebt bei uns die Narretei.
Auch Rosenmontags klingt hier dieses Lied,
Traditionell es die Alb ins Städtle zieht.

Wir feiern gern, das sieht man uns auch an,
wir Narren sind nun zum Regieren dran.
Der SchreierFasnets große Tradition,
sie hält uns jung – und das sehr lange schon.

SCHREIER

Mir send dia Schreier, noch uns isch ´se benannt,
Durch uns isch´s Städtle überall bekannt.
Mir schreied was dia Kehle gibt uns her,
des macht viel Spaß und isch gar ed so arg schwer.

HAIDKATZEN

Mir send dia Katza und kommad von dr´Haid,
doch s´Städtle isch zur Fasnet unser Freud´.
Mir send so liab und schnurred immer zu,
bis dann dia Fasnet, im Städtle goht zur Ruh.

HANSELE

Mir send dia Hansele, als Weißnarr Rarität,
mit Glocken und Steinröschen übersäht.
Die Goißel in d´r Hand aus edlem Holz.
Und auf dem Rücken, des Wappen groß und stolz

ZIGEUNER

Mir send Zigeuner, von weit weg send m´r her.
Für´d Fasnet laufed mir sehr lang und schwer.
Mir hend Zigeunerschnaps im Korb dobei,
isch´d Flasche trunka, dann bring m´r nägsch Johr zwoi.

GOMBA GOISCHTER

Mir send dia Goischter und du bleibsch weg von hier!
Gomba sind tief, fällsch nei gehörsch du mir!
Als Kinderschreck, wared mir dort bekannt,
und an d´r Fasnet uns in d´r Marktstroß fand.

BÄREN

Mir send dia Bära von Haus zu Haus trieb an,
der Treiber uns mit Tamburin am Mann.
Zwang uns zum Takt, zu danza vor de Leud´,
hend uns scho domols vor nix und niemand g´scheut.

HEXEN

Mir send dia Hexa vom Kallaberg doher,
wared ein friedlichs Weibervolk ed mehr.
Durch Aberglauben g´foltert und verbrannt,
mir räched äll Johr zur Fasnet diese Schand´.

PRINZENGARDE

Mir send dia Garde, des Prinzenpaars Geleit,
zum Tanz und Umzug sind mir stets bereit.
Des schönste was die Fasnet bieta kann,
dorum isch bei uns au sicherlich koin Mann.

NARRENRAT

Mir send d´r Narrenrat, und richtig stolz send mir,
auf uns´re Gruppa und ihr Leute hier.
Mir welled, dass die Fasnet bleibt bestehn´,
sie isch im Städtle halt einfach wunderschön.